Pangantusion Taringot tu Ruhut Parmahanion Paminsangion (4)

Siingoton ni na mandalanhon Ruhut Parmahanion dohot Paminsangon

Ia angka na mandalanhon Ruhut Parmahanion dohot Paminsangon, naeng ma na mangalehon tingkina dohot rohana songon parmahan na pauliulihon tondi ni pangalaosi i unang ma songon panguhum.

1. Ndang sintong pardalan ni Ruhut Parmahanion dohot Paminsangon, ia pintor dihudus mandabu paminsangon so jolo ditopot jala ditangkasi hasalaan i (hurang hatorangan na tangkas/bukti).
   

Unang ma dipaujung paminsangon i marhite na holan sahali marrapot, alai naeng ma dua tolu hali. Molo maol dihatai, unang tompu, ai dokdok do ulaon manguhumi.

Asa tagan so diputushon dope paminsangon i, naeng ma jolo tangkas dapot hatorangan pambahenan ni pangalaosi i ro di alana umbahen dilaosi ibana patik ni Debata. Jumolo ma begeon hatorangan i sian pangalaosi i sandiri, ndang sian halak na asing.

1. Unang ma masidokdoki didalanhon paminsangon i. Unang mamilimili manang marnida bohi laho padalanhonsa.
   
2. Unang ma dipangke (diperalat) Ruhut Parmahanion dohot Paminsangon i laho pasombu tagas mamaloshon manang paduruhon dongan, tarlobi molo adong parsalisian dohot hamaolon di huria.
   
3. Ingkon di bagasan holong ni roha ma angka na mandalanhon Ruhut Parmahanion dohot Paminsangon i. 

Sumber : www.hkbp.or.id 

Posted in: Dokumen HKBP,HKBP